1. siciliyalı bandit.
mənsə ona banditdən əlavə, robin hood da deyərdim. yaşadığı müddətcə dağlarda gizlənən, siciliya xalqı üçün vuruşan, varlıdan oğurlayıb kasıba paylayan bir qəhrəman olmuşdur. 20 yaşında bir carabinieri * polis öldürdüyü üçün qaçır və 7 il dağlarda gizlənir. 27 yaşında ən yaxın dostunun xəyanəti ilə öldürülür.
siciliya mafiyaları ilə əlaqə qurmurdu, çünki onların da xalqı soyduğunu yaxşı bilirdi. dəstəsi ilə varlı insanları soyub öz payına düşəni kasıb-kusuba paylayırdı. elə buna görə də xəyanətə qurban getdi. dəstəsi güc, şöhrət və daha çox pul istəyirdi, o isə əsas məqsədindən yayınmaq istəmirdi.
turini arxadan vuran uşaqlıq dostu aspanu da 4 il sonra həbsxanada zəhərlənərək öldürülür.
haqqında mario püzo "siciliyalı" əsərini yazıb. turinin həyatını yaxından öyrənmək üçün yaxşı qaynaqdır. mənim bildiyim iki film də var, biri 1987-ci ildə çəkilən the sicilian filmidir. yarısına qədər baxdım, ancaq mənə maraqsız gəldi. ingiliscə danışan siciliyalı qəhrəman çox iyrənc görsənir, düzü. həm də filmdə babat amerikan propaqandası var. ikinci film isə italyan məhsulu, 1962-ci ildə çəkilmiş salvatore giuliano filmidir. buna hələ baxmamışam, ancaq birincisindən daha yaxşı olduğuna inanıram.